Nyt tullee semmosta kalenteri asiaa mikä oli pian isällesti eli äitillesti, mutta varhmaanki jo äijillesti eli mummollesti tuttu asia :)
Sollu kesä niin lyhyt ennenaikhaan. Olemako met unohtanheet jotaki :)
Tämän kuun 14. päivän kohale oli ennen aikhaan almanakhaan kirjotettu suwi-päiwä :)
Juliuksen, Tellervon ja Taiton päiviä, eli huhtikuun 12. , 13. ja 14. päivää vasten olevia öitä sanothiin suviöiksi.
Jos näinä suviöinä oli kylmää, tiesi se että kylmiä öitä oli vielä yheksällä viikola, tai 40 vuorokautta kymää. Suotusa merkki olis voimakas yön yli kestävä suoja.
Huhtikuun 14. päivä oli entisajan almanakassa Tiburtiuksen nimipäivä, nyksysin siinä lukkee Taito. Ja tästä päivästä, huhtikuun 14. luvethiin vanhasthaan kesä alkanheeksi. Sanothiin, että huhtikuun 14. päivän kohala puu on ylenevin oksin.
Vuosi jaethiin kahteen jakshoon, suvheen ja talhveen. Puu oli alenevin oksin lokakuun 14. päivä josta talvi alkaa.
Väitethään, että 14. huhtikuuta kalat lähtevät liikheele. Kurjet tulevat jo Keski-Pohjanmaale saakka, ja västäräkki saapuu kurjen siiven päälä. Varis munnii ensimäisen munansa :)
Kustaa Vilkuna keräs aikanhaan kansien välhiin tätä tietoa, että emmä unohtais jos emmä halvais :)
Se kuulkaa koittaa taite keshään viikon perästä viikonloppuna :)